Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
"Білім сапасы төмен сыныпты...
Текст
«Ақмола облысы білім басқармасының Бұланды ауданы бойынша білім бөлімі Макинск қаласының мектеп-лицейі» коммуналдық мемлекеттік мекемесі
Коммунальное государственное учреждение «Школа-лицей города Макинск отдела образования по Буландынскому району управление образования Акмолинской области»
Мұғалім – мектептің жүрегі
20.06.2017
Мұғалім – мектептің жүрегі.
Дүниедегі мамандық атаулының төресі – ұстаздық. Мұғалім барлық мамандық иесін тәрбиелейтін, оқытып үйрететін мейірімді абзал жандар, ұстаз алдынан тәрбие
алмайтын жан жоқ. Ғылым иесі ғалым да, ел қорғаған батыр да, тілінен бал тамған
ақын да, тегеуріні темір балқытқан жұмысшы да, егін салған диқан да, мал бағып
терін төккен шопан да, көк күмбезінен
әрі өткен ғарышкер де бәрі-бәрі ұстаздан
білім, тәлім алған. Ұстаз болу – жас ұрпақтың жарқын болашаққа
барар жолын айқындап беру. Ұстазға
құрмет көрсету – білімге құрмет көрсету. Білімді құрметтемеген, ұстазын қадір
тұтпаған шәкірттің ғылымда нәтижеге қол жеткізе алмайтындығы, қол жеткізсе де,
тиісінше кәдеге асыра алмайтындығы қасиетті Құранда да жазылған.
«Адамның адамшылығы - жақсы ұстаздан» деп ұлы Абай айтқандай, мұғалім тәрбиесі
мен өнегесі оқушының болашақ азығы. Жақсы ұстазға кезігіп, тәлім-тәрбие алған
шәкірт өмір майданында мойымай күресіп, болашақ жолдарда бағытынан таймасы анық.
Осындай ұлағатты ұстаздардың бірі бастауыш сынып мұғалімі Еркенова Анар
Ризабековна Республикалық «Лидер
педагог-2017» байқауында І дәрежеге қол
жеткізіп Дінмұхамед Қонаев атындағы медальмен марапатталды. 28 жыл бойы
педагогикалық салада қызмет атқарып келе
жатқан Анар Ризабековна талай шәкірттерді қанаттандырып, білім нәрімен
сусындатты. Бүгінде әр салада қызмет атқарып жүрген, алдында білім алып жүрген
шәкірттері білікті ұстаздан білім алғандары үшін ұстаздарын мақтаныш етеді.
Осындай білікті ұстаздардың ізін қуған жас мамандарымыздың бірі тарих пәнінің
мұғалімі Серік Нұртуған жақында Алматы қаласында өткен Республикалық «Дарынды
балаларға-талантты ұстаз» атты байқауда жүлделі І орынға ие болды. Ұстаздық
мамандықтың қиындығына мойымай
шеберліктің шыңынан көрініп жүрген білікті ұстаздарымызды қол жеткізген
жетістіктерімен шын жүректен құттықтаймыз. Дендеріңізге саулық, шығармашылық табыс және саналы да
тәрбиелі, білімді шәкірттер алдарыңыздан қанаттанып ұша берсін деп тілейміз!
Макинск қаласы мектеп-лицейі директорының тәрбие ісі-жөніндегі орынбасары Зәурегүл Өжекеқызы
Просмотров: 462